Nós non somos nada supersticiosos polo que, que mellor que voltar á radio este novo ano ca un venres 13?

Podcast Programa Orballo 14 (Preme aquí para escoitar programa)

O primeiro Programa Orballo do ano:

Entrevista: Xavier Vieira virá a falarnos do seu traballo sobre Pancho Villa, lendario heroe mexicano do que dende hoxe coñeceremos un pouco máis.

Faladoiro: “As profecías para o 2017”, cada comezo de ano os buscadores de internet énchense con procuras sobre os vaticinios dos grandes profetas da historia coma Nostradamus para saber que sino nos depara o novo ano, ocorren de verdade ditas profecías? Son correctas as interpretacións que lles damos?

Doña Melitona: «Al cielo no se va en ascensor» , hoxe a sección será adicada á mítca canción de rock «Stairway to Heaven».

Lembrade que podedes sintonizalo programa no 107.2fm ou online na web de Radio Allariz de 16:30-18h tódolos venres. Non o perdades!

Chegou ó final de ano e que mellor que ramatalo cun novo programa Orballo de Radio Allariz? Como podestes notar aqueles que nos sigades na nosa páxina levamos unha semana sen publicar, debido a que ata o día 13 de xaneiro estamos de parón, aqueles que non poidades esperara ata ese día para ler os nosos traballados podedes seguirnos en Facebook na páxina Revista Orballo, onde estas semanas festivas estamos colgando o TOP 10 dos artigos máis lidos. Tamén avisamos que a semana vindeira non haberá radio, volveremos con novos programas o día 13 de xaneiro. Para rematar felicitarvos o 2017 e agradecervos a vosa fidelidade, voltaremos no novo ano con máis traballos e moitas novidades. Non o perdades!

Neste programa 12+1 tivemos:

Programo Orballo 12+1 (para escoitar podcast preme aquí)

A entrevista ó escritor e músico Vicente Araguas, que nos falará das vivencias do seu compañeiro no grupo Voces Ceibes Bibiano Morón, falecido o pasado 28 de decembro.

Vicente Araguas

Bibiano Morón

No faladoiro de hoxe: Nestas datas onde todo é ledicia e bos desexos para todo o mundo nós preguntámonos, «É o ser humano bo ou malo por natureza?»

Para rematar faremos unha sección especial sobre este ano 2016, cun recopilatorio especial dos «gazapos» cometidos polo noso equipo nestes meses de emisión para rematar o ano cun bo sorriso.