Estamos de celebración en Orballo xa que celebramos o noso programa número 20!
Programa Orballo 20 (para escoitar podcast preme aquí)
Un programa adicado á festa do Entroido: falaremos de historia desta festa, tradicións, gastronomía, etc. Todo esto nun ambiente distendido propio desta festividade.
Lembrade que podedes escoitalo en directo cada venres de 16:30 a 18h no 107.2fm ou online na web de Radio Allariz. Non o perdades!
De onde eu son hai unha chaira infinita
os invernos cristalízanse a ras da nosa pel
hai unha lingua de río que lame
a cicatriz dunha lagoa
que teme ó verán e súmese
negándose a sí mesmo
acumulamos as xeadas
en entroido chamamos á morte
e facemos escarnio dela
son de sol e herba seca
de sombras de cegoñas
e falcóns sobre os regos
son de máis ceo que terra
-ceo infinito-
de terra meticulosamente cuarteada
por liñas rectas que se cruzan
o equivalente ás constelacións
son de hortas que reclaman auga
e de colleitas inundadas
son de cadáveres de animais que podrecen
ó sol á beira dos camiños
a chaira é un mar invertido.
Autora: Lourdes Blanco
Fotografía: Cris Armadanzas
Revista de cultura e sociedade 