Archivo de la categoría: Música con DO

MÚSICA CON DO (II)

Autora: Nagore Fernández Ruíz


 

Na segunda entrega de Música con Denominación de Orixe escoitamos temas de Oh! Ayatollah, GHZ e Rendi Nue, tres propostas con estilos e referencias variadas que forman parte do panorama musical do territorio galego.

Música con DO (II) do 23-11-2018

 

 

thumbnail_Oh Ayatollah- Fonte Facebook
OH! Ayatollah (facebook)

 

Oh! Ayatollah é o grupo encargado de inaugurar esta nova selección a ritmo de pop. Creouse en Santiago de Compostela no 2015 e tras tres anos de concertos e ensaios ten varios proxectos publicados, destacando o EP de 2016 titulado Cancións por se non te queren xa e o LP Volve a canción protesta, que viu a luz neste 2018. O tema que vos achegamos forma parte deste último disco, leva o mesmo nome que o álbum e é o encargado de pechalo.

RRSS: @ohayatollah en Instagram, Twitter e Facebook

YouTube: Oh! Ayatollah

 

 

GHZ- Fonte Facebook
GHZ (facebook)

 

Os membros de GHZ traen a ración de rap deste segundo capítulo. O colectivo creouse no 2017, ano no que comezaron a funcionar conxuntamente os MC´s Willow e Ganjack xunto a Dj Rapu no son. A formación sacou diversos temas, dende o seu estreo con Abran paso  ata o máis recente titulado Chapapote. No podcast presentamos Veleno, un traballo no que tamén participa o rapeiro Hugo Guezeta, membro de Son da Rúa, cuxo vídeo gañou recentemente o premio a mellor videoclip no festival de Curtas de Armadiña.

RRSS: @GHZnews en Facebook

YouTube: GHZ TV

 

Rendi Nue- Fonte Instagram
Rendi Nue (Instagram)

 

A artista Rendi Nue pecha a edición con Déjalo, o seu último sinxelo. Cunha longa traxectoria nas costas, comezou a súa carreira en solitario no 2013 cun estilo que parte do soul, o rap e o reggae. O seu primeiro proxecto como solista foi o EP Zero publicado no 2014, e un ano despois viu a luz o disco Shiva, no que conta con numerosas colaboracións de MC´s galegos e produtores nacionais. Tras dous anos de xira e concertos, neste 2018 sacou dous temas baixo o selo Creo en Mi Producciones entre os que destaca o que sona na nosa lista. Trátase dun canto á liberdade da muller e a loita contra as violencias machistas, cunha letra cargada de emoción e sentimento que transmitimos dende Música con Denominación de Orixe.

RRSS: @rendinueofficial en Facebook, @rendinue en Instagram e @Rendi_Nue en Twitter

YouTube: Rendi Nue – Creo en Mi Producciones

 


Edicións anteriores:

Música con DO Cp 1


 

MÚSICA CON DO (Cp1)

Autora: Nagore Fernández Ruiz


Arranca Música con Denominación de Orixe, o novo espazo da Revista Orballo que vos achega as propostas musicais emerxentes de toda Galicia. Nesta primeira selección contamos con temas de The Scarnivals, Cuarta Xusta, Son da Rúa, High Paw e Neiz, agrupacións con distintos estilos que forman parte do panorama musical do territorio.

Música con DO (9-11-2018)

 

 

The Skarnivals (fonte Facebook scarnivals)
The Skarnivlas (Facebook)

THE SKARNIVALS é o grupo veterano desta primeira edición. O seu estilo atópase entre o ska, o folk e o punk cun percorrido iniciado no 2009. A canción que presentamos leva como nome Foliada Verdecente e forma parte do disco Movimiento Irracional publicado no 2016.

RRSS: @skarnivals en Facebook e @theskarnivals en Instagram

YouTube: The Skarnivals 

 

Cuarta Xusta (fonte Facebook CuartaXusta)
Cuarta Xusta (Facebook)

CUARTA XUSTA comezou no 2016 a súa andaina polo rock en galego. En xaneiro de 2018 publicouse o seu primeiro disco titulado Un novo despertar, un traballo composto por letras reivindicativas e feministas como Lección de Historia, canción na que colabora o músico, xornalista e cineasta Xosé Antón Bocixa Rei.

RRSS: @CuartaXusta en Instagram e Facebook

YouTube: Cuarta Xusta

 

Son da Rúa (Fonte Facebook SonDaRuaGZ)
Son da Rúa (Facebook)

SON DA RÚA creouse en Ponteareas no ano 2016 coas voces de Hugo Guezeta e Álex Arnoso na súa formación de rap en galego. No 2018 presentaron o EP Liberando Mentes, un traballo composto por cinco temas que comeza co titulado Os dous de sempre.

RRSS: @SonDaRuaGZ en Facebook e @sondarua en Instagram

YouTube: SonDaRúa

 

High Paw facebook HighPawVigo
High Paw (Facebook)

HIGH PAW é unha das representantes do reggae galego. A viguesa publicou no 2017 o EP Searching for the recipe e a súa traxectoria sobre o escenario levouna ao outro lado do charco cunha xira por México que estrea o 15 de novembro. Escoitamos A little Flower, un tema que viu a luz no 2017 mediante o selo barcelonés La Panchita Records.

RRSS: @HighPawVigo en Facebook e @highpawgz en Instagram

YouTube: High Paw

Neiz (fonte Facebook NeizOficial)
Neiz (Facebook)

NEIZ é unha banda ourensá que versiona música de diferentes estilos. A súa traxectoria arrancou no 2017, ano no que publicaron o seu primeiro e único single de estudio titulado Far Away. Forma parte do selo La Bodeguilla e actualmente intégrana voz, guitarra e saxofón.

RRSS: @NeizOficial en Facebook e @neizz_ en Instagram

YouTube: Bodeguilla music & fun