•  E ti, Irene Rosales, aceptas a Kiko Rivera DJ como lexítimo esposo? Prometes serlle fiel na riqueza e na pobreza , na prosperidade e na adversidade,  amalo e respectalo ata que a morte vos separe? Razoa a túa resposta.

• Recentes estudios científicos demostran que o uso abusivo e compulsivo do teu smartphone non ten relación coa  túa reducida capacidade mental. Probablemente xa eras imbécil  moito antes de comprar o teu  primeiro teléfono.

• Por sorte,  cada dous por tres,  Gadis recórdame que debo  «vivir como galego» , non vaia ser que me esqueza de plantarlle lume o monte,  de votar ó PP ou  de dar herbicida na finca do veciño.

• Existe un poderoso vínculo que mantén unidos a fillos e netos cos avós, por moi grande que sexa a distancia que os separe…  chámase pensión.

• Para saber a que lado estás da difusa fronteira que separa a beleza da fealdade, chega con que fagas memoria e recordes si  o acosador aparece nos teus pesadelos ou nos teus soños.

Tomás Fraiz Velázquez