Renacer ou ocaso das Burgas

O pasado 7 de Abril o colectivo “Aos comercios 1920” organizou unha xornada de sensibilizazón sobre o estado no que se atopa o patrimonio que engloba ao conxunto As Burgas – Casa de baños – Praza de abastos. Ao longo do día máis de duascentas persoas participaron da actividade e mostraron a súa opinión

Sabías que enterrado baixo o colexio das Josefinas se atopa un Hypocaustum romano? Non vos alporicedes, esta estrutura termal quedou correctamente conservado baixo o actual colexio, co obxectivo de ver a luz nalgún momento da historia. Este e outros tesouros do que todavía se considera o enclave monumental por excelenza da cidade, aínda están a tempo de seren rescatados. Pero non é só o valor patrimonial o que convirte As Burgas nun lugar sinalado, senón tamén o seu valor cultural e social. Antano, gran parte da actividade da cidade xiraba entorno a esta fervenza milagrosa que dende hai 4.000 anos constitúe o xerme da devoción que moitos sinten pola nosa cidade.

_MG_9038
Fonte de As Burgas    (fotog: Cris Armadanzas)

O colectivo quixo poñer de manifesto o mal estado no que se atopan algúns dos antigos eixos da actividade da zona. Grazas a eles puiden coñecer vestixios que que moitos descoñecen sobre a vida ao redor dos lavadoiros da Praza de Abastos, a Casa de Baños, as Panaderías das Burgas e o Hypocaustum.

_MG_9150
Visita guiada   (fotog: Cris Armadanzas)

 

Durante todo o día os integrantes estiveron concienciando á xente sobre os monumentos que xa non existen e os que aínda poden ser devoltos á vida, e pola tarde ofreceron visitas guiadas para que curiosos e turistas souberan destas xoias do pasado. A afluenza ao longo do día foi multitudinaria e moitos puideron desfrutar encantados destes anacos da historia. Por outra banda un grupo de pandereteiras puxeron o toque musical cunha foliada e cánticos contra a corrupción, poñendo o foco sobre a necesidade de repensar a situación de limbo na que se atopan As Burgas.

Pero, de onde procede o abandono claramente visíbel de parte deste conxunto histórico? Deixadez, crise económica, inacción política… poden ser moitos os factores implicados. Hoxe aínda se pode ver o cartel sobre as actuacións proxectadas na antiga casa de baños, ao carón do río Barbaña, mais a falta de consenso deixaron o que ía ser un dos enclaves turísticos e patrimoniais máis relevante da cidade, nun solar abandoado propio dun videoclip underground.

_MG_9171
Piscina romana das Burgas      (fotog: Cris Armadanzas)

Quizáis a cidadanía tamén deberíamos reivindicar e participar do que queremos que se faga, como reza unha lenda no xardín que rodea á fonte termal: “La custodia de estos jardines queda confinado al público”. Para rematar, a preciosa instantánea da reporteira gráfica Cris Armadanzas ámosanos un atardecer de feitizo, de nós depende que este ocaso sexa só paisaxístico, e que coa mesma forza que a auga nace da fonte, renaza tamén a maxia deste lugar único, no que din, entre outras lendas, que se lavas tres veces a cachola, casas cun ourensán.

Vou ver se hai sorte.

Autor: Roberto Nespereira Pereira

Fotografía: Cris Armadanzas

 

Integrantes de “Aos comercios, 1920: Escua, AUCE – Asociación Universitaria de Ciencias da Educación, A.C. Oscar Allos, Radio Liverdade, A Kasa Negra, Sustinea, A Bela Auria, Marcha Mundial Mulleres Galiza, Amigos da Terra, AC Algaravía, A Galleira Ourense.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s