Xa está aquí o novo podcast do Programa Orballo! Neste capítulo:

Programa Orballo do 24-11-2017 (para escoitalo podcast preme aquí)

Neste programa especial, no faladoiro, viaxaremos ó continente africano, concretamente ó Golfo de Guinea, na África ecuatorial, a un pequeno país desa rexión moi vencellado a España pola súa historia e cultura: Guinea Ecuatorial. Nesta odisea acompañaranos coma guía o mestre Luis Escudero, colaborador de organizacións que loitan pola salvagarda dos dereitos humanos en Guinea e un «gran amigo das súas xentes», coma el se define. Nas derradeiras semanas Luis está loitando pola liberación do preso político Ramón Esono.

O debuxante e activista opositor ecuatoguineano Ramón Esono Ebalé foi detido o sádabo 16 de setembro en Malabo, capital de Guinea Ecuatorial. Acusado falsamente de branqueo de capitais e falsificación de diñeiro foi encadeado na terrorífica prisión de Black Beach. O verdadeiro motivo da detención do ilustrador foi a realización da novela gráfica La Pesadilla de Obi, obra na que é moi crítico co dictador guineano Teodoro Obiang, que leva no poder 40 anos.

Lembrade que podedes seguir en directo o programa tódolos venres as 16h e 22h en Radio Allariz no 107.2Fm. Non o perdades!