Parada de Amoeiro, un Entroido diferente

 

Todos coñecemos de sobra a festa do entroido, ou antroido e introido como se lle chama nalgunhas rexións. O arraigo desta festa en Galicia débese ó feito de que a pesar da súa prohibición na época da ditadura continuouse celebrando, pero con tradicións diferentes nas distintas localidades rurais da nosa comunidade; aínda que ben é certo que todas as celebracións de entroido caracterízanse por dous factores comúns: a vinculación ca gastronomía típica da época: cocido, orellas, bica, licores… e a participación da xente, tanto de cativos como adultos.

No tempo que dura a celebración do entroido os medios énchense de noticias e reportaxes sobre as localidades máis coñecidas pola súa tradición e festividade; xa que moitas delas foron declaradas de interese turístico nacional ou interese turístico de Galicia. Algunhas delas son Xinzo, Laza, Maceda, Verín…, pero non lle dan a importancia merecida o entroido doutros concellos menos coñecido, como é o caso de Parada de Amoeiro; que aínda que non goza dun traxe tradicional como as anteriores, posúe o mesmo espírito carnavaleiro ou máis.

carroza-amoeeiro
Carroza durante a preparación do Entroido de Amoeiro

A festividade neste concello non dura pouco, comeza o domingo pola maña cedo e remata o mércores ca queima do meco, aínda que o espírito xa ferve moito antes, xa que os participantes do desfile fan as súas propias carrozas para lucilas durante estes días e, se pode ser,  levarse o premio á mellor carroza.

De Domingo a Martes as carrozas dedícanse a desfilar polas diferentes aldeas do concello de Amoeiro, nas que contando coa xenerosidade da súa xente, gozan en cada unha delas dunha “mesa” coa comida e bebida típica da festividade, a que poden acceder, claro está, despois de bailar e troular o ritmo da charanga acompañante. Moitos anos o Luns incluso se chegaba a desfilar  noutros concellos como Maside ou Cea. Pero non remata aí a festa, non so é diúrna, senón que a noitiña pódese menear un o ritmo das orquestras encargadas de seguir caldeando o ambiente e animar os veciños que aínda non o estiveran. O Martes, o último dia de desfiles, faise a gran comida popular no campo da festa de Parada e  no descanso da orquestra repártense os diferentes premios as carrozas. Por último, o mércores de cinza, conclúe o Entroido ca queima do meco, normalmente a partir das 8 da tarde, na que os veciños din adeus a súa festa predilecta e xa teiman na do ano que ven.

Autora: Alba Losada García

Para saber máis:

Fotografía Principal: Martiño Pinal (La Región)

Fotografías do artigo: Imaxes cedidas polos organizadores e participantes do entroido de Amoeiro.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s