• Parasito, carracha, pulgón, sambesuga, gandulo, aproveitado, chupóptero, lamprea, camándula, palastrán, moulón… Non entendo como, a pesar de empregar  un léxico culto e refinado, volveron a excluirme do certame literario «¿Qué es un rey para ti?

• Comunicado de Hazte Oír tralos últimos acontecementos: “Lamentamos profundamente as inxustas e difamatorias acusacións tildando a esta organización de non respetar e denigrar ao colectivo homosexual. Sobre todo cando son públicas as cuantiosas donacións que esta organización ven realizando a prol da investigación da sua enfermidade.”

• Todo o meu agradecemento ao mundo da cultura pola súa loita contra o IVA cultural. Era escandaloso que os que gustamos da cultura , polo encarecemento das entradas, tivésemos que renunciar a poder disfrutar dunha boa corrida de touros.

• A paradoxa dun pro abortista consiste en que de existir a despenalización do aborto, na época dos seus pais, probablemente nunca chegase a nacer.

• Non me gustaría estar no pelello dos directivos de Caixanova, tendo que  pasar un par de meses en prisión a cambio dunha triste decena de millóns  de euros.

Autor: Tomás Fraiz Velázquez